ቲክቶክ ኣገልግሎት ምእራም ትሕዝቶ ክጅምር ምዃኑ ተገሊጹ

05 ነሓሰ 2015 ዓ.ም

ቲክቶክ ኣገልግሎት ምእራም ትሕዝቶ (editing) ክጅምር ምዃኑ ኣብ ጉዳያት ቴክኖሎጂ ዝሰርሕ ማዕከን ሓበሬታ ዘ ሊፕ ገሊጹ። እዚ ኣገልግሎት ተጠቀምቲ እቲ ማሕበራዊ ሚዲያ ኣብ እግሪ ዝጥቅዑዎ ቪድዮ ዝጽሕፉዎም ጽሑፋት (captions)፣ ሃሽታጋት፣ መብርሂታትን ካልኦት ጽሑፋትን ንክእርሙ ዘኽእል እዩ። እዚ ድማ ኣብቶም ኣብቲ ማሕበራዊ ሚዲያ ካብ ዝጥቅዑ ሸውዓተ መዓልቲ ዘይሓለፎም ትሕዝቶታት ዝሰርሕ ከም ዝዀነ ዘ ሊፕ ሓቢሩ።

ፌስቡክ ንነዊሕ እዋን ንጡፋት ዘይነበሩ (active) ኣመሓደርቲ ጉጅለ (ኣድሚን) ብኻልኦት ኣባላት እቲ ጉጅለ ከም ዝትክኦም ኣፍሊጡ። ብመሰረት ጸብጻብ ፌስቡክ ኣካየድቲ ጉጅለ ፌስቡክ ኣብቲ ጉጅለ ዝካፈል ትሕዝቶ ናይ ምክትታልን ምቁጽጻርን ሓላፍነት ዘለዎም ኰይኖም ንነዊሕ እዋን ንጡፋት ዘይኰኑ ሞደሬተራት ንምትካእ መዘኻኸሪታት ክህብ ጀሚሩ ኣሎ። እቶም ኣካየድቲ ባዕሎም ንኻልእ ሰብ ክትክኡ እንተዘይክኢሎም ፌስቡክ ካልእ ኣባል ናይቲ ጉጅለ ኣካያዲ ክኸውን ከም ዝዕድም ኣፍሊጡ።

ብርክት ዝበላ ዓለምለኻውያን ትካላትን ማሕበራትን መራኸቢ ማዕኸናትን ትማሊ ኣብ ዝዘርግሕኦ ቅሉዕ ደብዳበ ቴክኖሎጂ ኣርቲፊሻል ኢንተለጀንስ ዝምልከት ሕጊ ክህሉ ኣለዎ ክብላ ሓቲተተን። ከም ኤፒ፣ ኤኤፍፒ፣ ጌቲ ኢሜጅስን ካልኦት ናይ ሚድያ ትካላትን ማሕበራትን ሓገግቲ ኣካላት ነፍሲ ወከፍ ሃገር ንቴክኖሎጂ ኣርቲፊሻል ኢንተለጀንስ ዝምልከት ሕጊ ከውጽኣ ዝሓትት ደብዳቤታት ጽሒፎም። ኣብ ምምዕባል ቴክኖሎጂ ሰብ ሰርሖ ብልሒ ዝተዋፈራ ኩባንያታት እውን ንኣጠቓቕማ ዳታ ብዝምልከት ምስ ትካላት ሚድያን ማሕበራትን ክዘራረባ፣ ብኣርቲፊሻል ኢንተለጀንስ ዝፍጠር ትሕዝቶ ክሕብራ፣ ናይ ሓሶት ሓበሬታን ኣድልዎን ክከላኸሉ ሓቲተተን።